મંડળનો પરિચય

શ્રી વિશ્વકર્મા મેવાડા બાવન કેળવણી મંડળ ની સ્થાપના સંવત ૨૦૨૯ ને મહાસુદ તેરસ (શ્રી વિશ્વકર્મા પ્રભુઓ પ્રાગટ્ય દિન) ને ઇસ. ૧૯૭૨ની ૧૨ મી ફેબ્રુઆરી રવિવારે સાંજે ૭:૦૦ કલાકે શુભ ઘડીએ જ્ઞાતિના વડીલ સ્વ.શ્રી સોમનાથભાઈ મોતીલાલ મિસ્ત્રી ને ત્યાં લુવારશેરી સરસપુરમાં વડીલો મળ્યા તેમાં સ્વ.શ્રી દલસુખભાઈ એલ કાર્પેન્ટર, સ્વ.શ્રી પુરષોત્તમદાસ એ.ગજ્જર (વિયાવાળા), શ્રી નંદુભાઈ એમ.મિસ્ત્રી(ચેતક), સ્વ.શ્રી કેશવલાલ એલ કાર્પેન્ટર,સ્વ.શ્રી ડાહ્યાભાઈ શિવરામ મિસ્ત્રી, સ્વ.શ્રી પુરષોત્તમદાસ કે.ગજ્જર, સ્વ.શ્રી લાલભાઈ એલ.મિસ્ત્રી, સ્વ.શ્રી ખોડીદાસ કચરાભાઈ સુથાર, સ્વ.શ્રી મોતીલાલ જે.મિસ્ત્રી તથા સ્વ.શ્રી રતિલાલ કે.સુથાર, આ અગિયાર મહાનુભવોના વિચાર વિમષ તેમજ શ્રી વિશ્વકર્મા દાદાની પ્રેરણાથી સર્વે જ્ઞાતિબંધુના સાથ સહકારથી શ્રી વિશ્વકર્મા મેવાડા બાવન કેળવણી મંડળના પ્રસ્થાપિત કરવાનું અભૂતપૂર્વ કાર્યની શરૂઆત થઇ.

આપણા મંડળની સ્થાપનામાં મુખ્યત્વે શ્રી વિશ્વકર્મા મેવાડા છાત્રાલય ટ્રસ્ટ નવરંગપુરા નો ફાળો છે.

ઇસ. ૧૯૭૨-૭૩માં શ્રી વિશ્વકર્મા મેવાડા છાત્રાલયના બીજા માળે નવીરૂમોના બાંધકામ માટે નક્કી કરેલ તેમાં આપણા બાવન કેળવણી મંડળ સરસપુરની રૂમ હોવી જોઈએ.તેમ વડીલોએ વિચારણા કરેલ તે વિચાર વિમસ અંતે આપણા મંડળની રચના કરવી.તે વિશ્વકર્મા જયંતી ના દિન વડીલો સરસપુર સ્વ.શ્રી સોમનાથભાઈ એસ.મિસ્ત્રીના ત્યાં ભેગા મળીને શ્રી વિશ્વકર્મા મેવાડા બાવન કેળવણી મંડળની સ્થાપના કરેલ તેમાં નક્કી કર્યું કે શ્રી વિશ્વકર્મા મેવાડા છાત્રાલયમાં આપણા બાવન સમાજની એક રૂમના દાતા શ્રી વિશ્વકર્મા મેવાડા બાવન કેળવણી મંડળ સરસપુર નામે રૂમ પર લગાડવી એવું નક્કી કર્યું.

આ રીતે આપણા મંડળની સ્થાપના સુકનવતા ચોઘડિયામાં થઇ અને હાલમાં આપણું મંડળ આજે એક વિશાલ વટવૃક્ષ ઘેઘુર બની ગયું છે